Bu romanda Siril, Anteya, Robert, Ceyn və Quzu adlı bacı-qardaşlar möcüzəvi Feniks quşu ilə tanış olur, sehrli xalçanın sahibinə çevrilirlər. Bununla da həyəcan dolu macəralar başlayır!
Bu əsərdə pula, cah-calala, eyş-işrətə hədsiz aludəçiliyin yol açdığı fəlakətləri olduqca inandırıcı şəkildə təsvir edilib. Yazıçı demək istəyir ki, əxlaqi-mənəvi dəyərləri var-dövlətdən üstün tutan cəmiyyət məhvə məhkumdur.
Müəllif ata-anasını vaxtsız itirən bir qızcığazın – Hadinin başına gələn bir-birindən maraqlı hadisələr fonunda uşaqların həyata, təbiətə və insanlara özünəməxsus baxışını oxuculara böyük məharətlə çatdıra bilib.
İçərisində detektiv Puaronun da olduğu və güclü qar yağdığı üçün hərəkətini dayandıran qatarda bir nəfərin meyiti tapılır. Puaro əmindir ki, bu, qətldir. Bəs o nə qədər haqlıdır?
Həyatın amansızlığı ucbatından cəmi bir neçə ay məktəbə gedən, 8 yaşında işləməyə məcbur olan Maksim Qorki bu avtobiorqafik əsərində gənclik illəri zamanı üzləşdiyi dəhşətli məhrumiyyətlərdən danışılr.
Bir gün veteran topçular qeyri-adi fikrə düşür, Aya nəhəng top mərmisi göndərmək qərarına gəlirlər. Lakin Fransadan göndərilən bir məktub hadisələrin gedişini kökündən dəyişir…
Londondakı «Reform» adlı klubun üzvü Fileas Foq dostları ilə dünyanı 80 gün ərzində dövr edəcəyinə dair mərc gəlir və bununla da heyrətamiz bir hekayə başlayır…
Bu əsər qeyri-adi süjet xəttinə və gözlənilməz sonluğa malikdir. Bir-birini tanımayan on nəfər yay tətilini keçirmək məqsədilə gəldikləri Zənci adasında qeyri-adi, qorxunc hadisələrin iştirakçısına çevrilirlər…
Müəllif bu əsərin qəhrəmanı olan taxtadan düzəldilən oyuncağın – Pinokkionun timsalında hər birimizin insan kimi yetişməsində mənəvi-əxlaqi dəyərlərin həlledici roluna diqqət çəkir.
Balina ovçusu kapitan Ahav ilə nəhəng ağ balina arasında macəra dolu mübarizədən bəhs edən bu əsər bir-birindən maraqlı, həyəcanlı səhnələrlə zəngindir və ibrətamiz sonluqla başa çatır.
Atasını erkən itirən, anası ilə birgə yaşayan Sedrik bir gün gözlənilməz məktub alır: məlum olur ki, o, qraf olan ata babasının varisidir. Hər şey məhz bundan sonra başlayır…
Əsərin baş qəhrəmanı Çipollino adlı bala soğandır. O, haqsızlığa qarşı mübarizə aparır, yoxsulları zülmkarlardan qoruyur və bu zaman başına bir-birindən maraqlı hadisələr gəlir.
Balaca oğlu Davidlə dağ evində yaşayan ata ölümünün yaxınlaşdığını duyur və övladını qohumlarının yanına aparmağı qərarlaşdırır. Beləcə, Davidin həyatında yeni və maraqlı bir səhifə açılır.
Zaltenə dünya şöhrəti qazandıran isə 1923-cü ildə yazdığı «Bembi» romanı olub. İndiyədək əksər dillərə tərcümə edilən və dəfələrlə ekranlaşdırılan həmin romanın baş qəhrəmanı Bembi adlı maral balasıdır. Bembinin bir-birindən maraqlı macəraları az qala doğulduğu gündən başlayır və oxucuda dərin təsir buraxır.
Bu romanda Siril, Anteya, Robert, Ceyn və Quzu adlı bacı-qardaşlar yay tətili zamanı Sammied adlı qum pərisi ilə rastlaşır, beləcə, ağlasığmaz macəraların ağuşuna düşürlər.
Bu roman maraqlı süjetə malikdir: Fransa kralı XVI Lüdovikin kraliça üçün sifariş etdiyi bahalı boyunbağı saray daxilindəki ziddiyyətlər fonunda ağlasığmaz əhvalatların baş verməsinə gətirib çıxarır…
Roman məşhur xəfiyyə Şerlok Holmsun doktor Vatsonla tanışlığı ilə başlayır. Londondakı iki müəmmalı ölüm isə bu tanışlığı dostluğa çevirir. Məlum olur ki, hər iki ölüm əslində qətldir…
Doktor Ferqüson əksəriyyətin haqqında çox şey bilmədiyi Afrikanı başdan-ayağa dolaşmaq fikrinə düşür, özü də hava şarı ilə! Beləcə, o və iki sadiq yoldaşı qeyri-adi hadisələrin iştirakçısına çevrilirlər.
Məktəbli Volka çayda çimərkən tapdığı saxsını qədim şeylərlə dolu xəzinə sayır. Lakin qabın içindən xəzinə yox, qoca cin çıxır. Bundan sonra Volkanın başına gəlməyən qəribəlik qalmır.
Heç vaxt böyümək istəməyən Piter Pen adlı oğlan haqqında bu nağıl-roman bütün dünyada məşhurdur. Onu yalnız uşaqlar deyil, böyüklər də hədsiz maraqla oxuyurlar.
Metaforik (məcazi) üslubda yazılmış bu dərin məzmunlu nağıl-povestdə üç gonbulun hakimiyyətindən əziyyət çəkən xalqın onlara qarşı mübarizəsindən danışılır.