Çamuroğlu Reha Скачать все книги 2 Количество книг

Roman Şah İsmayılın həyatından bəhs edir. Əsər Anadolu Ələviliyinin yaranması, Səfəvilərin bir təriqətdən necə dövlət halına gəlməsinə işıq salır. İsmayıl uşaqkən atası Heydərin böyük qardaşı Sultan Əli tərəfindən öldürülməsi nəticəsində erkən yaşda təriqətin başına keçirilir. Müəllif Şah İsmayılın duyğularını kitabda belə ifadə edir: «Həyatım yuxuda keçdi, yuxularımda Nəsimi, Fəzlullah, Sabah, Babam Cüneyd və atam Heydər gəzib dolaşdı. Nə öyrəndimsə bu yuxulardan öyrəndim. Bunların kimi qılıncla, kimi də odla öldürüldü. Kimi də ov heyvanı kimi qovuldu, qaçıb gizlənmək məcburiyyətində qaldı. Artıq fələyin bu oyununu oynamayacağam. Ov bitdi, indi ovçu mənəm». Şah İsmayılın Yavuz Sultan Səlimlə döyüşü, həyat yoldaşı Taclı Xatunun əsir edilməsi, Yavuz Sultan Səlimin Anadoluda minlərlə şiə Qızılbaşı öldürtdürməsi faciələri kitabda öz əksini tapmışdır. Şah İsmayılın iki həyat yoldaşı var. İkisinin də adı Taclı Xatun. Əsir edilib nökər olaraq alınan Taclı Xatun İsmayılın ikinci həyat yoldaşı. İlk həyat yoldaşı olan Taclı Xatun İsmayılın dayısı qızı. «İsmayıl» gözəl, romantik, bəzən kədərli, ümumiyyətlə, tarixi hadisələri öz axarı içində izah edən bir kitabdır. Nəcm və Şah İsmayılın söhbətlərində dini-təsəvvüfi mövzular şərh edilir. Axıcı olduğu üçün asanca oxuna bilir.

Reha Çamuroğlunun “Son Yeniçəri” əsərində Osmanlı sultanlığı zamanı ən məşhur təriqətlərdən biri olan Bəktaşilərdən, onlarla bağlı verilmiş Sultan Süleyman fərmanından, yüz illər boyunca bu təriqətin yeniçərilərinin Osmanlı dövlətini döyüşlərdə təmsil etməsindən danışılır. Baş verən əhvalatlar hadisələrin iştirakçısı olan əsir Sarı Abdullanın və son yeniçəri Sabit ağanın dilindən nəql edilir. İslam dinini sonradan qəbul etmiş rus əsiri Sarı Abdulla İstanbulda baş verən ən böyük yeniçəri qırğınının şahididir.